Беларускамоўны дзень у дашкольнай установе
27.12.2018
27 снежня 2018 года ў ДУА “Яслі-сад № 4 г. Ганцавічы” прайшоў беларускамоўны дзень, які быў прысвечаны творам пісьменніка Аляксея Галаскока, члена Беларускага саюза пісьменнікаў.
Выхаванцы старэйшай і сярэдняй групы с задавальненнем адгадвалі загадкі з кнігі “Гаманлівы ручаёк” пра жывёл і расліны родных мясцін, а таксама слухалі і вялі гаворку па казцы “Суд над сарокай” з кнігі “Асенняя бліскавіца”.
Творы мясцовага пісьменніка Аляксея Галаскока для дзяцей шчырыя і пранікнёныя, напісаныя на сакавітай роднай мове. Чытанне гэтых цікавых твораў фарміруе ў дашкольнікаў жаданне валодаць ёю.