Беларускамоўны дзень “Шануй сваю мову”
15.12.2022
Беларуская мова - гэта дзяржаўная мова беларусаў. Далучэнне да роднай мовы садзейнічае не толькі ўзбагачэнню мовы дзяцей дашкольнага ўзросту, але і развівае іх пазнавальныя і інтэлектуальныя магчымасці, пашырае веды пра беларускую культуру. У дзяржаўнай установе адукацыі “Дзіцячы сад № 4г. Ганцавічы” традыцыйна, кожны чацвер, праходзіць дзень роднай мовы.
На працягу ўсяго дня выхавальнік сярэдняй спецыяльнай групы Валуевіч Марына Валер’еўна праводзіла з дзецьмі розныя цікавыя гульні, гутарыла з дзецьмі, чытала казкі беларускіх пісьменнікаў, вершы В.Жуковіча “Родная мова”, “Мы-беларусы”, пацешкі на беларускай мове, а таксама правяла гутарку-размову “Шануй сваю мову”, дзе дзеці знаёміліся з новымі словамі на роднай мове і замацоўвалі ўжо знаёмыя.
Мова, традыцыі, нацыянальныя каштоўнасці – наш скарб, якім мы павінны ганарыцца. Кожны чалавек павінен ведаць родную мову, спяваць народныя песні, ведаць, як з веку ў век святкавалі святы ў нашым краі, любіць родныя мясціны, сваю Радзіму – Беларусь.