Рэспубліканская акцыя «Адзіны Дзень бяспекі»

20.02.2020

У Ганцавіцкім раёне стартуе рэспубліканская акцыя «Адзіны Дзень бяспекі». Адзіны Дзень бяспекі пройдзе з 20 лютага па 1 сакавіка. Мэта мерапрыемства – прыцягненне ўвагі да праблемы, а таксама зніжэнне гібелі людзей ад знешніх прычын. Актывізацыя намаганняў усіх дзяржаўных органаў у гэтыя дні накіравана на прапаганду бяспечных умоў пражывання насельніцтва, развіццё ў грамадстве культуры бяспекі жыццядзейнасці і правядзенне адукацыйна-выхаваўчай работы з падрастаючым пакаленнем. Дні бяспекі праводзяцца з канца лютага і да 1 сакавіка. А таксама ў пачатку навучальнага года – з 1 па 10 верасня.

У рамках работы праводзіцца праверка сістэмы апавяшчэння, у тым ліку ў эфіры радыёстанцый, sms-паведамленняў аператараў сотавай сувязі, інтэрнэт-рэсурсаў. На прамысловых прадпрыемствах, выбуха-, пажара-, хімічна небяспечных аб'ектах, аб'ектах з масавым знаходжаннем людзей пройдуць трэніроўкі дзеянняў у выпадку пажару. Пры гэтым павінны быць задзейнічаны сістэмы пажарнай сігналізацыі, абвесткі людзей. Пры атрыманні сігналаў аб НС прыроднага або тэхнагеннага характару будуць правераны сілы грамадзянскай абароны, выкарыстанне сродкаў індывідуальнай, калектыўнай абароны, уменне аказваць дапамогу пацярпелым, арганізоўваць і кіраваць эвакуацыяй.

У рамках Адзінага дня пройдуць акцыі, накіраваныя на павышэнне ўзроўню бяспекі на дарогах, інтэлектуальныя гульні, у тым ліку па працы з нядобранадзейнымі суседзямі.

З жыхарамі будуць праходзіць тэматычныя сустрэчы, сярод насельніцтва таксама будзе распаўсюджвацца наглядна-выяўленчая прадукцыя ў галіне забеспячэння бяспекі жыццядзейнасці. Асаблівая ўвага нададзена працы назіральных камісій. Будзе праведзены дэталёвы аналіз прычын і ўмоў, якія спрыяюць гібелі людзей ад знешніх прычын і ўдакладнены рашэнні па рэалізацыі мерапрыемстваў, накіраваных на іх папярэджанне.